ITZULERA HANDIA

Kolonia berria hondakin eta errauts mendi bat da. Ez da ezer geratzen. Hala ere, bazter batean, zerbait mugitzen da. Hologailu bat da. Argi txikiak egiten ari da eta bat-batean irudi geometrikoz osatutako laino baten moduko holograma bat proiektatzen du, Hiri Bakarra AA da.

—Tira, pentsatu bezala atera da guztia. Hiri Bakarrean jarraitu beharko dute tarte batez, bederen.

Hologailua itzali eta holograma desagertzen da. Kolonia berria hondakin eta errauts mendi bat da. Ez da ezer geratzen, eta inork ez du sekula bertan gertatu zenaren berri izango. Belar eta goroldioak badute zer hartu datozen mendeetan.